الطريق الى القدس ....

السلام عليكم

طبعاً أنا بدي أكتب هذه القصه بناءاً على رغبة بعض الاخوه والاخوات وأيضا من باب تعريفكم بالوضع عندنا

وانا كنت كتبت عن رحلتنا في رمضان اللي فات ومانت اكثر تشويقاً لأنه كانت مغامره صعبه وفيها أحداث أكثر

لكن فترتها صار في خلل في المنتدى وانحذفت مواضيع كثير وكانت القصه من المو اضيع اللي انحذفت

رح ابدا الكلام بنفس ما كتبت في القصه الاولى :

في الوضع الطبيعي ولو ما في احتلال بتستغرق الرحله من الخليل حيث اسكن للقدس ساعه فقط ولكن في ظل الاحتلال والحواجز تستغرق مده اطول وحسب التسهيلات يعني في الرحله الاولى استغرقت 12 ساعه ( تخيلوا كم الفرق ) وأحيانا 5 ساعات واحيانا 3 ساعات حسب الوضع

في رحلتنا هذه حرجنا في وقت الظهر وبكون الجيش وحرس الحدود في حالت قيلوله وطبعا بكون في دوريات بس قليله ( يعني احنا بنعرف اليهود منيح هههههه وهم كمان بعرفوا شو بنعمل ) وهلا وصلنا لمنطقه تسمى منطقه c وهي خاضعه للسيطره الاسرائيليه من الناحيه العسكريه لكن تخضع للسلطه من الناحيه المدنيه يعني مسموح ندخلها احنا اهل الضفه وهي قريبه كثير من القدس .... هلا لما وصلنا للقريه نزلنا من السياره الاولى لأنه انتهت مهمتها وما بتقدر تدخل بفعل الحاجز العسكري هلا جى وقف عندنا جيب شرطه اسرائيلي وطبعا ضلينا جالسين لحتى يتقلعوا هههههههه لكن طولو ا شوي فقررنا نروح نعبر من امامهم لكن كل شخصين مع بعض وبتزامن حتى ما يشكو فينا وهلا ضلينا اخر ثلاث كنت انا ومحمد وكمان شاب ولما وصلنا جنبهم شغلو الجيب ههههههههههههه هلا ارتبكنا كثير وحتى وقفنا وكنا بدنا نرجع ( يعني الحمار فيهم رح يعرف شو احنا بدنا نعمل هههههههه ... بس طلعوا كلهم احمر من الحمير هههههههه ) والله اعماهم بس احنا ما خفنا منهم يعني بس خفنا يرجعونا او يحجزونا وما نصل الاقصى بس الحمد لله رحوا وانصرفوا

هلا احنا ما صدقنا وهم يبعدوا وبسرعه مشينا إتجاه السياج الفاصل اللي بفصل بينا مع الاراضي المحتله ... وطبعا الشباب المقدسيين بنتظروا فينا في الجهه المقابله وبسرعه دخلنا من فتحه وركبنا في السيارات مثل القوات الخاصه لأنه الوضع ما بحتمل ... يعني بدون مبالغه الثواني بتفرق معنا وهلا وين الحازوق ههههههههه ركبنا بالسياره وحضرة محمد ( فلسطين الدر المكنون مش موجود ههههههه ) واحنا مستعجلين كثير لأنه بنخاف يكبسوا علينا الشرطه وننمسك ......... ووووووووووووووووين بعد يمكن دقيقتين الا محمد بشرف وبقسدر براحته هههههههه ( والله جايين نتسلى احنا ) واجى حضرة محمد ( شو ليش طولت ؟؟؟؟ قال صار معي الم في صدري ) اهلين والله ..يعني ننمسك كلنا عشانك ؟؟؟!!!!!! قال هذا اللي اجاكم هههههه بكل برودة اعصاب

طيب هلا ركبنا بالسياره وقلنا يالله وطبعا مجرد ما يدور عجل السياره بزول 80 % من الخطر !!!!!!!!!!!!
ومشينا وماشاء الله عنهم الشباب المقدسيين يعني مافيات بمعنى الكلمه ( هلا لو انمسك واحد منهم بوكل زفت عشان مركب ناس من الضفه ) ممنوع عند اليهود يعني نقل المخدرات اهون من اهل الضفه ( وحتى بطلقوا علينا كلمه عبريه ( إشتاحيم ) يعني اختصار اهل الضفه ههههههههههه وهناك بالقدس لو حد بسالنا من وين احنا بنحكيلهم احنا إشتاحيم هههههههههههه
هلا لو انمسك شباب من القدس مركبين اشتاحيم معهم بحبسوهم وبحجزوا سيارتهم وغرامه وبهدله بس ما تفرق مع المقادسه ... بعدين كيف بعملوا يعني كل محموعة سيارات بتحمل ناس ضفه وبمشي امامهم شاب مقدسي بتكون سيارته فاضيه ما فيها حد يعني قانوني بس بكون على اتصال مع السياره اللي خلفه وبكون بعيد عنه تقريبا كيلو متر على اساس لو في شرطه بالطريق يخبر اللي وراه ويحكيله غير الطريق وهذا بسموه ( لفوي ) يعني المستكشف ) والسائق اللي وراه بكون على اتصال باللي وراه وهكذا يعني بكونوا عاملين حلقة اتصال بينهم وصعب يمسكوهم الشرطه ههههههههههههه ( كيف بس شغل على تقى )

هلا واحنا ماشيين طبعا بتكون السياره معتمه او في برادي حتى ما حد يشوفنى وبنكون نطلع من خلف البرادي على حبيبة القلوب القدس و ما ادراك ما القدس ..... والله العظيم اشي بشرح الصدر يا سلاااااااااااااااااام يعني ما يحب الواحد غير التامل فيها

هلا نزلنا عند باب العامود بسلام يعني تقريبا زال كل الخطر وهلا بنكون وصلنا لعند البلده القديمه وبندخل من باب العامود وبنتجول في ازقة البلده القديمه ماشاء الله اشي بشرح الصدر ( واذا بدكم الوصف اسمعوا قصيدة تميم البرغوتثي اللي رح احطها في اخر القصه ) واحنا ماشيين في البلده القديمه كانوا فاتحين على انشوده ( يا أقصى منتا وحيد سيجناك قلوبنا .................. حوم طير الابابيل الله اكبر في غزه وفوق الخليل الله اكبر الخ ...... ) يعني لما تسمعها هناك في قرب الاقصى .... والله قلبك يخشع ويقشعر بدنك .. سبحان الله

الحمد لله .... دخلنا ساحات الاقصى الحمد لله رحله ولا اسهل منها كانت واستغرقت تقريا ساعتين وبدون ما نقف ولا على حاجز ... ووصلنا تقريبا مع اقامة صلاة العصر .. صلينا وارتحنا قليلا وبعدها رحنا نفر بالاقصى والساحات ونسلم على الأسوار ونتسلقها ونصلي هناك ونصلي هنا ننظر الى الاحياء القريبه مثل حي سلوان اللي بتعرض لهجمه شرسه من قبل الاحتلال ويبداً سدنتة الاقصى وخدمته بتجهيز وجبة الفطور وكانت حوالي 200000 وجبه كامله .... جزاهم الله خيراً .......... وافطرنا وصلينا المغرب وانتظرنا التروايح وصلينا ...... وصلينا القيام وكانت ليلة القدر ما شاء الله أجواء روحانيه وطبعا دخلنا كل المصليلت ( المصلى المرواني اللي كانوا الصليبيين عاملينو اصطبل للخيل وهو بكون تحت الساحات الشرقيه للأقصى والمسجد القديم اللي هو تحت الاقصى مباشره ومصلى قبة الصخره وهو في الغالب بكون للنساء

هلا لما نقرر نروح ونرجع للخليل بنخرج عبر البلده القديمه وبعدها بنتجول في شوارع القدس وطبعا لو شفنا الشرطه خلاص ما بحكوا معنا وبعدها بنطلع في سيارت وباصات بتنقلنا مباشره للضفه عبر المعابر والحواجز لأنه على الحواجز ما بسألوا عن اللي خارجين من اسرائ للضفه يعني بتكون فترة مسافة الرجوع بالنسبه النا ممتعه لأنه بنمضيها تأمل ومشاهده ووداع للقدس الحبيبه

وطبعا بنكون متمتعين زياده ليش ؟؟؟؟ لأنه بنكون داخلين غصب عن اليهود مش بخاطرهم

وهلا لما نصل لمناطق الضفه بحكي للشباب وصلنا للنكد ههههههههههههههه ياريت لو بصحلنا دايما نروح للقدس

والله يكون بعون اللي محروم منها ومن فلسطين ونسال الله ان يشبع عيونكم بالنظر والتأمل في القدس والاقصى وفلسطين عامه يارب وان تعودوا اليها وهي محرره

بس بتحكولي كيف شفتوا القصه ممتعه ولا شو ؟؟؟؟؟

تحياتي يا حلوووين

عطاري و بس

» رسالة حبّ صغيرة إلى القدس.....
» القدس مخاض الشهداء....
» مسابقة :::.. ماذا تعرف عن القدس؟ ..::: اسأل وأجب
» هكذا يصلون في القدس الشريف
» معلومات عامه عن القدس الشريف