قصة الولد وأبوه الميت / قصة حقيقة

هذي قصة حقيقية عن ولد صغير عمره 6 سنوات وتقول القصة ::

كان هذا الولد الصغير يعيش مع امه وإخوانه في بيت جده والد أمه بعد ماتوفي أباه في حادث بالسيارة وكان هذا الصغير مسبب إزعاج في البيت وكان مايخلي أحد في حاله وكل ماجا له أحد وكلمه زاد في إزعاجه وفوضته في البيت , في يوم من الأيام وكعادته الولد مسوي ازعاج في البيت دخل عليه خاله ومسكه وضربه ولكن بعد مافي أي نتيجة جديدة ومرت الأيام والحال مستمر على وضعه الطبيعي طبعا راح خاله ولكن هالمرة ماإضربه بس راح له بطريقة ثانية مسكه وقاله : يابابا لاتسوي إزعاج عيب تزعج ماما ترا بعدين أبوك يزعل عليك ولا يحبك .
بعد ماقال خاله هالكلام الولد ولا كنه سمع شي وإستمر في إزعاجه , ولما جا الليل وساعة النوم راح الولد ونام في غرفته وهو نايم طلع له أبوه الميت في الغرفة وكلمه وقاله : بابا لاتسوي إزعاج حق ماما ترا ماما متضايقة منك واجد وخالك بعد ترا مادوده يطقك بس إنت تجبره إنه يضربك أنا بروح الحين بس ترا إذا أزعجت ماما ترا راح أزعل عليك ولا راح تشوفني مرة ثانية وفجأة إختفى الأب , وفي اليوم الثاني جلسوا اهل البيت وشافو الولد ساكت وهادي وجالس لحاله طبعا الأهل إستغربوا انه الولد ماسوا إزعاج اليوم قالوا يمكن الولد اليوم تعبان ولا ماله خلق يسوي شي , في اليوم الثاني جا الولد حق امه وقال لها : ماما أبوي جاني وأنا نايم وقالي سلم على ماما وقالي بعد لاتسوي إزعاج حق ماما ترا أزعل عليك بعدين ! إستغربت الأم من كلام الولد بس في نفس الوقت قالت له : ايه يابابا شاطر . مرت الأيام والولد مازال هادي ومايسبب أي فوضى في البيت لين ماجاء ذاك اليوم لما راح الولد ينام طلع له ابوه مرة ثانية وقال له : شاطر ياولدي الحين أنا مرتاح ولا راح أجيك بس ترا إن سويتها مرة ثانية ترا بزعل عليك وبجيك , طبعا من بعدها الولد صار أهدى واحد في البيت ولله الحمد .


نصيحة/ للآباء والأمهات بإنهم يحرصون على أبنائهم وإنهم يعلمونهم حسن السلوك في التعامل في البيت وخارج البيت لكي لايحدث لهم مثل ماحدث لهذا الصغير ..

يسلمو على هذه القصه الرائعه


الطفل مزعج

جد روعه يسلمو ايديك يا عسسسسسسسسل


تحياتي

حلوه كثير هالقصه يعطيك العافيه