مهم....لو سمحتوا اقرأوه للنهايه

بسم الله الرحمن الرحيم
اليوم حبيت اني اتكلم عن اشياء سيئه كترت هدي الايام بالمجتمع واتمنى انكم تقرأو الموضوع للنهايه واللي فيه احد هدي الاشياء اتمنى انو يغير من نفسو يلا خليني ابدأ :

التقليد الاعمى للكفره....
من ابشع الاشياء اللي انتشرت في المجتمع هو تقليد المسلمين للكفار يعني من جد يا اللي تقلدو الكفار وش تحسون فيييييه يعني بالله عليكم انتو ماعندكم دين يلمكم ماعندكم دين علمكم الصح من الغلط ((اعصااابك يا هوو)) لا والمشكله اننا ماخدينو بالمدرسه ومشددين عليه انو حراااااااام وبالرغم من هدا برضو مازلتو في تقليدكم الاعمى لهم. انا ماقول انو انا كمان مااسوي شي حرام مثلا البنطلون او اللبس القصير صح انا البس كدا بس بحدود المعقول انو البنطلون مايكون ضيق مره والفستان مايكون قصير بشكل مو طبيعي وان شاء الله حبه حبه ابطل منو وانتو كمان ان شاء الله تبطلوا من الاشياء البسيطه اللي تسووها بس الكلام دحين ع اللي يقلدو الكفار تقريبا في كل شي وبشكل كبير يعني ايش حتستفيدو لمن تقلدوهم في لبسهم او كلامهم او حركاتهم وتصرفاتهم ؟ تحسبو انكم حتبانو كوووول وحركات بالعكس الناس حيطالعولكم ع انكم متخلفين وماعندكم دين وجاهلين تمشوا ورا الصرعات والموضات اللي طلعت في بلد الكفر
قال الرسول صلى الله عليه وسلم(من تشبه بقوم فهو منهم). يعني تبغوا يوم القيامه تحشرو مع الكفره؟ لا طبعا هدا حيكون جوابكم طيب بما انكم ماتبغوا تحشروا معاهم ليش تقلدوهم و تعجبوا بحركاتهم ؟ الله يهديكم بس. يعني انتو دحين تقلدوهم في لبسهم وحركاتهم طيب تتوقعوا انهم هم يقلدونا احنا المسلمين والعرب؟ اكيد لا يعني عمرك شفت واحد كافر لابس توب وغتره ويقلك انا بقلد العرب او المسلمين ؟ اتحداكم تجيبولي واحد سوا كدا
وهدا يبين الجهل اللي فيكم تمشوا وراهم في كل شي معليش من غير زعل بس هدا هو التفسير الوحيد لكم انكم جهله.
انا بنفسي شفت بنات ثاقبين تحت فمهم وحاطين فص يلمع الاعمى يشوفو وهدا الشي طبعا شافوه في افلام الكفره وع طول قلدوهم من غير مايفكروا
وبنت كمان شفتها في بازار لابسه فستان قصيييير بشكل مو طبيعي كنت اتمنى انها ما تنزل تجيب شي عشان الفضايح ماتبان يعني من جد لمن اشوف الناس هالايام اتحسف واستحي من الله معنو انا مالي دخل بس عاد ايش اقول خلاص عقول الناس اتمسحت مع دينهم والله شي يخجل اتمنى لكل شخص يقلد الكفار انو يبطل هدا الشي والله يهدي كل المسلمين اللي كدا والمشكله انهم يتسمو مسلمين ((لا حول ولا قوة الا بالله))
تقليد النساء للرجال والعكس...
والله شي يعصب. . . بالله لمن تشوفوا وحده مسترجله او ولد خكري ومنعم نفسو ماتتقشعرو منهم ؟ اكيد ايوه لانهم غيرو الفطره اللي خلقهم عليها ربنا وما اهتموا بحديث الرسول صلى الله عليه وسلم( لعن الله المتشبهات من النساء بالرجال والمتشبهين من الرجال بالنساء).
ياهوووو انتو ملعونيييين تعرفوا ايش يعني ملعونين يعني مطرودين من رحمة الله وحيكون لكم عذاب شديد يعني متى تفتحو عقولكم وتتحضروا شويه وتبطلوا الجهل هدا اللي انتم فيه ؟ متى تعرفوا انكم مسلمين ؟ والاسلام اعظم هديه قدمها الله لنا
فمتى تتطبقوا احكام دينكم ؟ ها يامسلمين ؟ ها ياللي تسموا نفسكم مسلمين ؟ لو الاسلام ينطق وله احساس كان خجل من انكم انتو مسلمين عاد ماقول غير الله يهديكم ويكبر عقولكم وان شاء الله تبطلوا هاالتصرف اللي ماحيوديكم الا في دهيه.

المعاكسااات..
المعاكسات وما ادراكم ماالمعاكسات يادي المعاكسات اللي ماحنخلص منها يعني لمتى ؟ لمتى تفضلو تعاكسو سواء البنت او الولد لا وكأنو شي مهم وعليه جائزه. اول كنا نقول البنت اللي ماتحترم نفسها تتعاكس دحين البنت المحترمه والغير محترمه بتتعاكس من الشباب المتخلفين اللي عقولهم صغيره الناس في تطور وهم في جهل ورجعيه ولا البنت لمن تعاكس تحسب انها حتبان قدام صحباتها واااو ولا يعني الشباب حيخقو عليها وفي النهايه ينقلب هالشي ضدها ويؤذوها الشباب وفي هالحاله تستاهل مايجيها لانها هي الغلطانه هي اللي جابتو لنفسها ما احترمت نفسها وخليها تتحمل مسؤولية غلطتها .
بس واللي يرحم والدينكم بطلوا بطلوا بطلوا خليكم ناس راقيه متحضره مو جاهله رجعيه خلونا نصير مجتمع حلووو خالي من المشاكل معنو هدا من المستحيلات بس يلا ندعي والله مافي شي صعب عليه .
ولسه في اشياء كتيره لو قعدت اقولها ماراح اخلص

اتمنى من كل البنات والاولاد انهم يفكروا باللي قلتو ويفكروا كيف يصيرو ناس راقيه متحضره متطوره بس مو بالشكل وخلاص لا اهم شي التحضر بالاخلاق لان الاخلاق هي اللي حتنفعكم مو شكلكم وانا متأكده انكم ناس فاهمه وحتفهموا اللي قلتو .

تحياتي : العطاري

يسلمووووووووووو

تحياتي مافيا المنتدى

يسلمو على الرد بنت العطاري تحياتي العطاري

ههههههههههههههه يا عيني على المتحضر مشكوور